Մինսկ-2019․ Անուշ Գրիգորյանը պարտվեց 1/4 եզրափակիչում
20:12 - 26 Հուն, 2019
Բռնցքամարտիկ Անուշ Գրիգորյանը (51 կգ) ավարտեց պայքարը երկրորդ Եվրոպական խաղերում։
Մինսկում ընթացող Եվրոպական խաղերի մրցումային 6-րդ օրը Գրիգորյանը կիսաեզրափակիչի ուղեգրի համար մենամարտեց Լեհաստանի ներկայացուցիչ Սանդրա Դրաբիկի հետ և 0։5 հաշվով պարտություն կրեց։
Անուշ Գրիգորյանը պայքարը սկսել էր 1/8 եզրափակիչից, որտեղ 5։0 հաշվով հաղթել էր Չեխիայի ներկայացուցիչ Նելա Ֆրեյհերովային։
Հունիսի 26-ին պայքարի դուրս եկած հայ բռնցքամարտիկներից Բարեղամ Հարությունյանը (52 կգ) և Գուրգեն Հովհաննիսյանը (+91 կգ) ևս պարտվել են 1/4 եզրափակիչում։
Այսօր պայքարի դուրս կգան նաև Կարեն Տոնականյանը (60 կգ), Հովհաննես Բաչկովը (64 կգ) և Գոռ Ներսեսյանը (81 կգ)։
Այլ նորություններ
