Միլանում և Կորտինա դ'Ամպեզցոյում 2026թ․ կայանալիք ձմեռային  25 –րդ օլիմպիական խաղերի կազմկոմիտեն աշխատանքային խորհրդակցություն է անցկացրել  խորհրդանշական մեկնարկից  երկու հազար քսանվեց օր առաջ։

Կազմակերպիչները նշել են, որ  չնայած համավարակին,  նախապատրաստական աշխատանքներն  ընթանում են լավատեսական, դրական ու  ակտիվ տրամադրությամբ։

Ձմեռային մարզահանդեսը  մեծ հետաքրքրություն է ներկայացնում, քանի որ  միաժամանակ անցկացվելու է  Իտալիայի երկու քաղաքում: 

Հայտնի է նաև, որ    փակման արարողությունը տեղի կունենա  փետրվարի 6-ին, Միլանի << Սան Սիրո >> մարզադաշտում: 

Նշենք, որ  Իտալիայում ձմեռային խաղեր են անցկացվել  նաև  Թուրինում՝    2006թ․ և  մինչ այդ՝  Կորտինա դ'Ամպեցոյում ՝ 1956թ․, որտեղ հանդես են եկել հայազգի երկու մարզիկներ։ Նրանք են՝ իրանցի լեռնադահուկորդ  Բենիկ Ամիրյանը, որը մրցանակակիր չի դարձել,  և ռուսաստանցի հոկեյիստ Գրիգոր Մկրտչյանը։ Վերջինս մեծ վարպետությամբ է  պաշտպանել  Խորհրդային Միության տափօղակով հոկեյի հավաքականի դարպասը և նվաճել է չեմպիոնի կոչումը։ Մկրտչյանն  առաջին հայ մարզիկն է , որն արժանացել է   ձմեռային օլիմպիական խաղերի  ոսկե մեդալակրի կոչմանը։ Բացի այդ, անվանի դարպասապահը եղել է ԽՍՀՄ  իննակի, աշխարհի կրկնակի և  Եվրոպայի եռակի չեմպիոն։

Հայորդին համարվում է մարզաձևի խորհրդային  դարպասապահների դպրոցի հիմնադիրը ։ Գրիգոր Մկրտչի Մկրտչյանը ծնվել է 1925թ․ Կրասնոդարում, մահացել է 2003թ․ և հուղարկավորվել է Մոսկվայի հայկական գերեզմանոցում։