<< Փարիզ – 2024 >>  ամառային օլիմպիական խաղերի կազմկոմիտեն հայտարարել է , որ << Grand Palais >>  մեծ մրցասպարեզի  վերակառուցումը կավարտվի ժամանակին։ Այնտեղ անցկացվելու են սուսերամարտի և թաեքվոնդոյի մրցաշարերը։

Փորձագետները սակայն համոզված  չեն, որ պաշտամունք հանդիսացող Եվրոպայի  ամենամեծ ապակե  գմբեթով / մակերեսը 17,500 քմ  է / շենքը շահագործման կհանձնվի ժամանակին։ Նկատի ունեն աշխատանքի բարդությունն ու ծավալը։

Շինությունն, ի դեպ,  հատուկ  կառուցվել է  1900 թ․ օլիմպիական խաղերի  և համաշխարհային ցուցահանդեսի համար: 

Հաստատության հիմնանորոգումը կսկսվի դեկտեմբերին և  պետք է ավարտվի 2023 թ․ գարնանը: 

Ֆրանսիայի կառավարությունը վերականգնման համար հատկացրել է 373 միլիոն եվրո: Սակայն, կանխատեսումների համաձայն, ամենայն հավանականությամբ, այդ գումարը   պետք է ավելանա գրեթե մեկուկես անգամ: