Ըմբշամարտի միջազգային ֆեդերացիայի գործկոմի առցանց նիստում քննարկվել են ավարտվող մրցաշրջանի պաշտոնական մրցաշարերին առնչվող հարցեր։

Ֆինլանդիայի Տամպերե քաղաքում  նոյեմբերի 23-29-ը նախատեսված  մինչև 23 տարեկանների աշխարհի առաջնությունը  ամենայն հավանականությամբ չի կայանա։

Անորոշ  է նաև Սերբիայի Բեգրադում  դեկտեմբերի 4-10-ը նշանակված  երիտասարդական  և  դեկտեմբերի 12-20-ը ՝  մեծահասակների աշխարհի առաջնությունների կայացման խնդիրը։ Ժամկետները մնում են ուժի մեջ,  այն վերապահումով , թե ինչպիսին կլինի համավարակի ընթացքը աշխարհում և Սերբիայում։

Վերջնական որոշումը հավանաբար  կընդունվի  ֆեդերացիայի գործկոմի առաջիկա նիստում։