ԳՆԱՀԱՏՈՒՄ Է ՄՕԿ – Ի ՆԱԽԱԳԱՀԸ
Միջազգային օլիմպիական կոմիտեի / ՄՕԿ / նախագահ Թոմաս Բախի կարծիքով Տոկիոյում 2021թ․ ամռանը կայանալիք օլիմպիական խաղերը կդառնա պատմական։ Ճապոնիան, չնայած շարունակվող համավարակին, ամեն ջանք գործադրում է լավագույնս պատրաստվելու համար։ Այս մասին Բախը հայտարարել է Nikkei թերթին տված հարցազրույցում: Նա նաև ասել է, որ Տոկիոն ամենապատրաստված քաղաքն է օլիմպիական խաղերի պատմության մեջ և ինքը զգուշորեն է օգտագործում << պատմական >> բառը, բայց մարզահանդեսն իրոք այդպիսին էլ կլինի:
ՄՕԿ –ի առաջնորդը չի կասկածում, որ Տոկիոյի խաղերի կայացման պարագայում, միջոցառումը հիմնական գրանցում կստանա համաշխարհային սպորտի պատմագրքում:
Բախը համոզված է, որ օլիմպիական խաղերի մեկնարկից առաջ կորոնավիրուսի իրավիճակը կփոխվի, չնայած աշխարհի մի շարք երկրներում դրությունն այժմ բարդ է:
Տոկիոյի օլիմպիական խաղերը պետք է կայանան հուլիսի 23-ից օգոստոսի 8-ը:
