Մոսկվայում անցկացվել  է սամբո ըմբշամարտի աշխարհի գավաթի խաղարկությունը, որը   նվիրված էր  մարզաձևի հիմնադիրներից ռուս Անատոլի Խառլամպիևի հիշատակին։ 

Մրցաշարին մասնակցած  14 երկրների  130 մարզիկ – մարզուհիների թվում էին  նաև Հայաստանի պատվիրակները։ Նրանք նվաճել են հինգ մեդալ:

Տիգրան Կիրակոսյանը / 57 կգ /  մարզական սամբոյում դարձել է արծաթե մեդալակիր։

Նման պատվի է մարտական սամբոյում  արժանացել   Սամվել Բադալյանը/  68 կգ /։

Բրոնզե  պարգևներ են ստացել Արամ Աղաջանյանը  / 62 կգ /, Վահագն Չալյանը  / 90 կգ / և կանանց պայքարում ՝  Վարսիկ Գրիգորյանը / 56 կգ /։