ԲԱԽԸ ՀԱՍՏԱՏԱԿԱՄ Է

12:06 - 22 Հուն, 2021

Միջազգային օլիմպիական կոմիտեի  / ՄՕԿ /  նախագահ Թոմաս Բախը բացառում է  Տոկիոյի ամառային օլիմպիական խաղերը հետաձգելը կամ չեղարկելը: Մենք վճռական ենք ապահով ու  հաջող խաղեր անցկացնելու հարցում։ Այս մասին նա հայտարարել է ճապոնական Kyodo գործակալությանը տված հարցազրույցում։

Բախը նշել է , որ խաղերի կազմակերպիչների համար առաջնահերթությունը  մասնակիցների անվտանգությունն է ։ Բացառված չէ հանդիսականների թվի նվազեցումը, նույնիսկ առանց  երկրպագուների անցկացումը: Անդրադաձ է եղել նաև Պեկինում 2022թ․  անցկացվելիք ձմեռային օլիմպիական խաղերին։ Դրանք պետք է ընթանան ծրագրի համապատասխան։

ՄՕԿ –ի նախագահի տված հարցազրույցը միանշանակ չի ընդունվել: Խաղերի կայացման շուրջ լրատվամիջոցներում շատ են  կողմերի և դեմերի մասին պատմող հրապարակումները: Հակասությունների պակաս չկա: Պատճառը մեր մոլորակի բնակչությանը խուճապի մատնած կորոնավիրուսն է:

 

Այլ նորություններ