Միջազգային օլիմպիական կոմիտեն  / ՄՕԿ /  նախատեսում է հետևել Եվրոպայի 12 քաղաքներում  հունիսի 11-ին մեկնարկելիք  Եվրոպայի առաջնության ընթացքին: Նպատակը Տոկիոյի խաղերից առաջ,  մեկամսյա տևողությամբ այդ ստուգատեսից կորոնավիրուսի դեմ պայքարելու  դասեր քաղել: Այս մասին հայտարարել է ՄՕԿ-ի նախագահ Թոմաս Բախը՝  Եվրոպական ֆուտբոլային ասոցիացիաների միության (ՈՒԵՖԱ) կոնգրեսում:

Նա ասել է, որ ՈւԵՖԱ-ն ունի  անվտանգ միջոցառումներ  կազմակերպելու և մարտահրավերներին դիմակայելու ունակություն:  

ՄՕԿ –ի առաջնորդի խոսքով   որոշ  ֆուտբոլային ակումբների եկամուտ ստանալու ցանկությունը վտանգում է եվրոպական  մոդելի հիմնական արժեքները: Հիմա սպորտի եվրոպական մոդելը սպառնալիքի տակ է:  Եթե սպորտի նկատմամբ կիրառվի միայն տնտեսական մոտեցում, ապա դրա սոցիալական դերը  կկորչի, մի հանգամանք, որն անընդունելի է:

ՄՕԿ-ը կշարունակի  սպորտի միջոցով աշխարհն ավելի լավը դարձնել,  - խոսքն ավարտել  է Բախը: