ՊՈԶԴՆՅԱԿՈՎԸ ՎԵՐԸՆՏՐՎԵՑ

11:17 - 14 Սեպ, 2021

Սոչիում անցկացվել է  սուսերամարտի Եվրոպայի ֆեդերացիայի հոբելյանական ՝ 30 րդ կոնգրեսը: Մասնակցել են 42 երկրների պատվիրակներ /  մի քանիսը՝ տեսակապով /:

Համաժողովի մասնակից , ՀՀ սուսերամարտի ֆեդերացիայի նախագահ, գիտությունների դոկտոր - պրոֆեսոր  Արմեն Գրիգորյանն ասաց, որ Ռուսաստանի օլիմպիական կոմիտեի նախագահ, սուսերամարտից օլիմպիական քառակի չեմպիոն Ստանիսլավ Պոզդնյակովը վերընտրվել է Եվրոպայի ֆեդերացիայի նախագահի պաշտոնում:

Կոնգրեսի պատվիրակները քննարկել են  ֆեդերացիայի աշխատանքների կազմակերպմանն առնչվող հարցեր, հաստատել են  ֆինանսական հաշվետվությունները: 

Որոշվել են 2022թ.  կադետների և պատանիների Եվրոպայի առաջնությունների անցկացման վայրերը: Դրանք  կկայանան համապատասխանաբար  Սերբիայի  Նովի Սադում և Էստոնիայի Տալինում ,  մեծահասակներինը ՝  Անթալիայում: Ի դեպ, ընթացիկ մրցաշրջանում նախատեսված Եվրոպայի առաջնությունը համավարակի պատճառով չեղարկվել է:

Ա. Գրիգորյանը նաև ասաց , որ նոյեմբերի վերջերին, Շվեյցարիայի Լոզան քաղաքում կանցկացվի մարզաձևի միջազգային ֆեդերացիայի վեհաժողովը: Առայժմ նախագահի միակ թեկնածուն է կազմակերպության գործող ղեկավար, ռուսաստանցի  Ալիշեր Ուսմանովը:

Լոզանում հայտնի կդառնան աշխարհի առաջնության և <<  Փարիզ – 2024 >> օլիմպիական խաղերի նշանաբանով անցկացվելիք վարկանիշային մրցաշարերի քաղաքները:  

 

Այլ նորություններ