Վաղը ՝ փետրվարի 6 –ին,  Պեկինի ձմեռային օլիմպիական խաղերում   Հայաստանի մարզիկներից  առաջինը մրցուղի  կելնի դահուկավազորդ Միքայել Միքայելյանը: Նա ուժերը կչափի 30 կմ սկիաթլոն մրցաձևում   / 15կմ  դասական ոճ + 15կմ ազատ ոճ /:

Այսօր մարզումներից հետո դահուկորդների և  գեղասահորդների հետ հանդիպեց ՀՀ պատվիրակության ղեկավար Արմեն Գրիգորյանը: Մեզ հետ զրուցում նա ասաց, որ մերոնց տրամադրությունը բարձր է, մանավանդ որ   նախամեկնարկային պարապմունքները ծառայում են նպատակին: Ամեն դեպքում որոշ մտահոգություն նկատվում է Միքայելի մարզիչ ծնողների ՝ Արթուր և Ալլա Միքայելյանների մոտ: Նրանց ավագ որդին ՝ Սերգեյը Հայաստանի դահուկորդներից առաջինը և առայժմ միակն է, ով դարձել է միջազգային պաշտոնական մրցաշարի մեդալակիր:Մոտ անցյալում Սերգեյը բրոնզե մեդալ է նվաճել Ալմաթիում անցկացված համաշխարհային ուսանողական ձմեռային խաղերի դահուկավազքում: Ծնողների, և իհարկե նաև  մեր ամբողջ պատվիրակության անդամների  ցանկությունը մեծ է, որպեսզի Միքայելը նույնպես հաջող մրցելույթ ունենա:

Չենք կասկածում, որ այդ է ցանկանում նաև հայ մարզասերը:  

Լուսանկարները ՝ Ասատուր Եսայանցի: