Սերբիայի մայրաքաղաք Բելգրադից անտրամադիր  հայրենիք վերադարձավ մեր լավագույն եռացատկորդ, կապանցի Լևոն Աղասյանը: Պատճառը մեկնաբանեց ՀՀ աթլետիկայի ֆեդերացիայի նախագահ Ռոբերտ Էմմիյանը: Նա հեռախոսազրույցում ասաց , որ վերջին ՝ նախամեկնարկային մարզման ժամանակ, լավ  մարզավիճակում գտնվող Լևոնը վնասել է  ոտքի ազդրամկանը: Նրան անմիջապես տեղափոխել են հիվանդանոց, նպատակով , որ փորձառու բժիշկները կարողանային  շտապ վերականգնել մարզիկին, որ նա կարողանար մասնակցել   մարզասրահների աթլետիկայի աշխարհի առաջնությանը:  Բայց օգնությունը ժամանակավոր բնույթ կկրեր և մեր մարզիկը չէր կարողանա  տեղում հաջող ցատկեր կատարել: Ավելին, գուցե խորացներ վնասվածքը  ու դրա հետևանքով հնարավոր չլիներ լիովին ապաքինվել ու  մասնակցել առաջիկա պաշտոնական խոշոր մրցաշարերին, մասնավորապես՝  Եվրոպայի և աշխարհի առաջնություններին: