Կիսաեզրափակիչ  մտած  մեր  չորս բռնցքամարտիկներից  առայժմ  միայն  հաստատ  է Նարեկ Մանասյանի  / 92 կգ /  արդյունքը:  Նրան  մրցավարները  երեկ   պարտություն գրանցեցին իսպանացի Էմանուել Ռայեսի հետ մենամարտում: Ենթադրում ենք, այդ որոշումը վիճելի էր: Այնուամենայնիվ Նարեկի նվաճած   բրոնզե մեդալը նույնպես լուրջ հաջողություն է:

Մեր մյուս երեք բռնցքամարտիկները ՝ Արթուր Բազեյանը / 57 կգ /, Հովհաննես Բաչկովը / 63, 5 կգ / և  Ռաֆայել Հարությունյանը / 86 կգ /,  հաղթեցին մրցակիցներին և մտան եզրափակիչ: Նրանց մրցակիցներն են համապատասխանաբար իտալացի Միկելե Բալդասին, ֆրանսիացի Լունե Համրաուն   և վրացի Գեորգի Կուշինաշվիլին:

Կարեն Դեմիրճյանի անվան մարզահամերգային համալիրում այսօր կորոշվեն Եվրոպայի 44 –րդ առաջնության չեմպիոնները: Վճռական փուլի հանդիպումները կսկսվեն ժամը 17 . 00 –ից: