« ՄԵԿ ԱՇԽԱՐՀ, ՄԵԿ ԵՐԱԶԱՆՔ »
Պեկինի օլիմպիական թանգարանը միացել է համաշխարհային օլիմպիական թանգարանների ցանցին: Այն նվիրված է 2008թ. ամառային և 2022թ.ձմեռային օլիմպիական խաղերին:
2009թ. հիմնադրված թանգարանը տեղակայված է Թռչնաբույն կոչվող ազգային մարզադաշտում և զբաղեցնում է 34,500 քառակուսի մետր: Ցուցանմուշները այցելուներին տանում են դեպի Պեկինի պատմությունը, սպորտային մշակույթը և օլիմպիական ժառանգությունը:
« Մեկ աշխարհ, մեկ երազանք » մշտական ցուցադրությունում ներառված են օլիմպիական ջահեր, մեդալներ, համազգեստներ, սարքավորումներ և այլ իրեր:
Կառույցը տարեկան ընդունում է շուրջ 200 000 սովորող:
Օգտվելով երկու օլիմպիական խաղերի թողած ժառանգությունից, թանգարանի աշխատակիցները հույս ունեն հատկապես խրախուսել դեռահասներին, որպեսզի նրանք զբաղվեն սպորտով և ծանոթանան օլիմպիական գաղափարներին:
