ՖՐԱՆՍԻԱԿԱՆ ՆՐԲԱԳԵՂՈՒԹՅԱՄԲ
<< Փարիզ – 2024 >> կազմկոմիտեն ներկայացրել է օլիմպիական խաղերի ծրագրում ընդգրկված մարզաձևերի պատկերագրերը: Դրանք արտացոլում են ֆրանսիական նրբագեղությունը, համարձակ գեղագիտությունը և սալապատ փողոցների բազմերանգությունը, Ֆրանսիայի քաղաքային տեսարանները:
Պատկերագրությունը մարմնավորած գույներն են կապույտը, կարմիրը, կանաչը և մանուշակագույնը:
Պարալիմպիկ խաղերի համար ընտրված պատկերագրերը որոշ ընդհանրություններ ունեն օլիմպիականի հետ ՝ նվազագույն տարբերություններով:
Աշխատանքների ընթացքում կազմկոմիտեն խորհրդակցել է մարզաձևերի միջազգային ֆեդերացիաների և միջազգային օլիմպիական կոմիտեի համապատասխան հանձնաժողովի հետ:
Փարիզը անհամբերությամբ է սպասում օլիմպիական խաղերի մեկնարկին: 2024թ. 33 –րդ ամառային օլիմպիական խաղերը կանցկացվեն հուլիսի 26-ից օգոստոսի 11-ը, իսկ պարալիմպիկը՝ օգոստոսի 28-ից սեպտեմբերի 8-ը:
