Երևանի <<  Միկա >> մարզադահլիճում այսօր կավարտվի  Եվրոպայի բռնցքամարտի երիտասարդական առաջնությունը:  

Եզրափակիչը կսկսվի ժամը 16. 00 –ին: Չեմպիոնի կոչման համար մեր երկրի ներկայացուցիչներից կմասնակցեն Գոռ Ազիզյանը ( 57 կգ ), Աղվան Ալեքսանյանը ( 80 կգ ) և Դավիթ Սիմոնյանը ( 86 կգ ):

Երևանյան ստուգատեսին հաջորդել է  Տաշքենդում սկսված բռնցքամարտի աշխարհի առաջնությունը:  104 երկրների 650 պատվիրակների թվում են նաև կաշվե ձեռնոցի հայաստանցի 11 վարպետներ: Նրանցից առաջինը պայքարի մեջ է մտել Արթուր Ղազարյանը ( 60 կգ ): Նա << իր թիմի բացումը >>  կատարեց նոկաուտով ՝  Բուրունդիի ներկայացուցիչ Մուհամեդ Նտունգիյեբոսեի նկատմամբ:

Այսօր, մրցաշարի երրորդ օրը, Արթուր Ղազարյանը իր երկրորդ մրցելույթը կունենա: Մրցակիցն է զամբիացի  Անդրեյ Չիլատայը:

Թիմակցի հաղթական մեկնարկը կրկնեց  Ռաֆայել Հովհաննիսյանը  (  86 կգ ),  որը պարտության մատնեց  իսրայելցի Յան Զաքիին:

Ավաղ, ունենք նաև կորուստ: Համբարձում Հակոբյանը ( 80 կգ ) պարտվեց   չինացի  Կե Թուոհետաերբիեին և վերածվեց հանդիսականի: