Տաշքենդում մեկնարկած բռնցքամարտի աշխարհի առաջնությանը զուգահեռ , IBA-ի նախագահ Ումար Կրեմլյովը և գլխավոր քարտուղար ու գործադիր տնօրեն Ջորջ Երոլիմպոսը համատեղ մամուլի ասուլիս են  անցկացրել: Նրանք  ամփոփել են վերջին շրջանում  կատարած աշխատանքները:  

Ումար Կրեմլյովն ասել է, որ բռնցքամարտի աշխարհի առաջնությունները այսուհետ կանցկացվեն ամեն տարի, իսկ մրցանակային հիմնադրամը արագորեն կաճի և մինչև 2027 թվականը կհասնի 1 միլիոն դոլարի՝ մեկ ոսկե մեդալակրի  պարագայում:

<< IBA-ն շարունակելու է լավագույն պայմաններ ստեղծել մարզիկների համար։ Նրանք պետք է կարողանան ապահովել իրենց ընտանիքը և գումար վաստակել բռնցքամարտում։ Ասոցիացիան պետք է ներդրումներ կատարի մարզաձևում:

Մեր մեդալները ոչ թե ոսկեպատ են, այլ ՝ ամբողջովին  ոսկուց,  - ասել է Կրեմլյովը: - Չենք թաքնվելու  գեղեցիկ շապիկների հետևում:  Մենք իսկապես բարձր չափանիշներ ենք սահմանել:  IBA-ն բաց և թափանցիկ կազմակերպություն է և առաջնորդվում է  այդ գաղափարով: Այստեղ ենք՝ ծառայելու մեր մարզիկներին, մարզիչներին ու ազգային ֆեդերացիաներին >>:

Գլխավոր քարտուղար Ջորջ Երոլիմպոսը շեշտել է  հետևյալը. << Դուք լավ գիտեք, որ IBA-ն սնանկացման եզրին էր: Լավ է, որ այդ միջոցին  նախագահ ընտրվեց պարոն Կրեմլյովը: Նա այն մարդն է, ով  փրկեց վիճակը: Թերևս անհանգստացնում է մեր մարզիկների օլիմպիական  ուղեգրերի հարցը: Որակավորման գործընթացը պետք է դիտարկել նաև IBA-ի աշխարհի առաջնության արդյունքներով . . . >>: