ԱՆՄԱՐ Է ՄԵԾ ՉԵՄՊԻՈՆՈՒՀՈՒ ՀԻՇԱՏԱԿԸ

11:57 - 15 Մայ, 2023

Հայաստանի առաջնություն հիշեցրեց  մայրաքաղաքի հրաձգության մարզադպրոցում անցկացված անվանի մարզուհի Զինաիդա Սիմոնյանի 12 –րդ հուշամրցաշարը: Բոլոր առաջատար նշանառուները իրենց դիպուկությունը դրսևորեցին  կրակագծում: 80 մարզիկ – մարզուհիների հայտավորման փաստն արդեն վկայում է մեծագույն հարգանքն ու անմոռանալի հիշատակը մեր երկրի կանանց սպորտի խորհրդանիշ համարվող Զինաիդա Սիմոնյանի նկատմամբ:

Մրցաշարի մասին հավաքականի գլխավոր մարզիչ, բազմափորձ Սեյրան Նիկողոսյանն ասաց, որ հիմնականում տոն տվեցին առաջատարները: Թերևս հաճելի անակնկալ մատուցեց 19 –ամյա Նարե Գաբրիելյանը: Եզրափակիչ փուլում,  օդամղիչ ատրճանակով  10մ. հեռավորությունից 60 կրակոցով,  Նարեին հաջողվեց առաջ անցնել  և հաղթել առաջին տեղով վճռական փուլ մտած թիմի   առաջատար Էլմիրա Կարապետյանից: Նշած մրցաձևի տղամարդկանց պայքարում լավագույնը Բենիկ Խլղաթյանն էր:

Հրացանակիրներից առաջինը ճանաչվեցին ՎրեԺ Թորոսյանն ու  Սեդա Գաբրիելյանը:

Վազող թիրախ և խառը վազք երկյակների մրցությունում հաղթեցին Գոռ Խաչատրյանն ու Արուսյակ Գրիգորյանը:

Այլ նորություններ