ՈՒՐԱԽԱԼԻ ՆԱԽԵՐԳԱՆՔ
Բելգիայի Անտվերպենում անցկացվում է սպորտային մարմնամարզության աշխարհի 52-րդ առաջնությունը: 73 երկրների 400 մարզիկներ պայքարում են խաղարկվող մրցանակների և օլիմպիական ուղեգրերի համար:
Որակավորման փուլը հրաշալի նախերգանք էր մեր երկիրը ներկայացրած հնգյակի կատարմամբ:
Տոկիոյի օլիմպիական խաղերի բրոնզե մեդալակիր Արթուր Դավթյանը բազմամարտում ճանաչվեց 16 –րդը և նվաճեց Փարիզի օլիմպիական խաղերի ուղեգիր: Նա առաջին արդյունքով եզրափակիչ մտավ նաև հենացատկում:
Վճռական փուլ են մտել նաև Արթուր Ավետիսյանը , Վահագն Դավթյանը / երկուսն էլ ՝ օղակներ /, Հարություն Մերդինյանը / նժույգթափեր /: Նրանց թիմակից Գագիկ Խաչիկյանը նժույգթափերում, ճիշտ է, ճանաչվեց իններորդը, բայց որպես պահեստային, գուցե հնարավորություն ստանա մասնակցել եզրափակիչին, որոնք նշանակված են հոկտեմբերի 7 –ին և 8 –ին:
