ՄՕԿ-ի նախագահ Թոմաս Բախն այցելել է   LA28 օլիմպիական խաղերը հյուրընկալող մայրաքաղաք: Նա հանդիպել է  34 –րդ ամառային մարզահանդեսի կազմկոմիտեի և   համակարգող    պաշտոնյաների հետ:

ՄՕԿ-ի նախագահն այցելել է SoFi մարզադաշտ, որտեղ կտեղադրվի լողավազան։ Դա կլինի օլիմպիական խաղերի պատմության մեջ  լողի  ամենամեծ  հաստատությունը՝ նախատեսված 38000 երկրպագուի համար:  

Լինելով մի քանի այլ մրցասպարեզներում, Բախն ասել է, որ  բոլոր  մրցավայրերն էլ  տպավորիչ են և համոզված է, որ  Lոս Անջելեսը կանի այն, ինչ արեց Փարիզը. կառաջարկի իրական օլիմպիական խաղեր, որոնք  ներկայացնում են ընդունող երկրի սպորտային մշակույթը: