Միջազգային թեստավորման գործակալությունը (ITA) հրապարակել է  << Փարիզ – 2024  >> -ի զեկույցը: Փաստաթղթում նշվում է, որ  ծանրամարտը համարվում է այն սակավաթիվ  մարզաձևերից մեկը, որտեղ  խաղերից վեց ամիս առաջ փորձարկվել են բոլոր  օլիմպիականները:  

Միջազգային ֆեդերացիան որակավորել էր  120 ծանրորդի  ու  ևս երկու մարզիկ, որոնք ներկայացնում էին փախստականների օլիմպիական թիմը: Նրանք բոլորը վերահսկվել են  Փարիզի խաղերի մեկնարկից առաջ:

<< Ներկայացված թվերը , փաստերը և  թեստավորման աննախադեպ բարձր մակարդակը ցույց են տալիս մեր վճռականությունը դոպինգի դեմ պայքարում: Դա  նաև վկայում է, որ մենք Փարիզում արդար և մաքուր մրցակցություն ենք ունեցել։ IWF-ն, ITA-ի հետ միասին, շատ լուրջ է վերաբերվում հարցին, և մենք ուրախ ենք,  որ մշակած  ռազմավարությունը հաջողված է: Օգտվելով առիթից  շնորհակալություն եմ հայտնում մեր ազգային ֆեդերացիաներին՝ ծանրամարտը ճիշտ ուղղությամբ տանելու իրենց ջանքերի և հանձնառության համար >>, - հայտարարել է  IWF-ի նախագահ Մուհամեդ Ջալուդը:

Միջազգային թեստավորման գործակալությունը 2022թ. դեկտեմբերից է  մշակել  ծրագիրը: Ավելին, 2024թ. հունվարից ֆեդերացիայի  նոր կանոնակարգը թույլ է տվել ավելի ճիշտ կառավարում իրականացնել և հետամուտ լինել  այն ծանրորդների նկատմամբ,  ովքեր հավակնում էին օլիմպիական խաղերի մասնակիցը դառնալուն:  

Բացի վերահսկողությունից,  Փարիզի  մարզահանդեսին  որակավորված բոլոր մարզիկները ստացել են հակադոպինգային կրթություն՝ համաձայն IWF / ITA-ի պարտադիր պահանջների: