ԱԶԱՏ ՈՃԱՅԻՆՆԵՐԻ ՄԵԿՆԱՐԿՈՎ
Սլովակիայի Բրատիսլավայում ապրիլի 7-13-ը կանցկացվի Եվրոպայի ըմբշամարտի առաջնությունը, որը Փարիզի օլիմպիական խաղերից հետո առաջին միջազգային խոշոր մրցաշարն է։ Այդ ստուգատեսին կմասնակցեն մայրցամաքի լավագույն ըմբիշները, ովքեր մեդալների և վարկանիշային միավորների համար կպայքարեն երեք ոճերում՝ ազատ, հունահռոմեական և կանանց:
Մրցումներին հայտավորված են 29 երկրների ավելի քան 450 մարզիկներ, որոնք հանդես կգան 30 քաշային կարգերում։
Առաջինը մրցագորգ կելնեն ազատ ոճի ըմբիշները: Հաբեթնակ Կուրղինյանի գլխավորած Հայաստանի հավաքականը ոչ ամբողջական կազմով է հայտավորված առաջնությանը. Մանվել Խնձրցյան (57 կգ), Արսեն Հարությունյան (61 կգ), Վազգեն Թևանյան (65 կգ), Արման Անդրեասյան (70 կգ), Նարեկ Հարությունյան (74 կգ), Հայկ Պապիկյան (79 կգ) և Գուրգեն Սիմոնյան (97 կգ):
