Մոլդովայի մայրաքաղաք Քիշնևում մեկնարկել է Եվրոպայի ծանրամարտի առաջնությունը: Հայաստանի տղամարդկանց և կանանց հավաքականները մասնակցում են  10 –ական մարզիկ – մարզուհիներով:

Տղամարդկանց 61 կգ քաշային կարգում մեր երկիրը ներկայացրեց գյումրեցի Գառնիկ Չոլակյանը: Մարզիչ Ալեքսան Կարապետյանի անձնական սանը պոկեց 124 կգ և վարժությունում գրավեց երկրորդ տեղը: Նա հրումում սանձեց  151 կգ ծանրաձողը և ճանաչվեց չորրորդը:

Կանանց 55 կգ քաշային կարգի պայքարին  տոն տվեցին  Ալեքսանդրա Գրիգորյանը և Իզաբելլա Յայլյանը:

Առավել հաջող հանդես եկավ Ալեքսանդրան: Նա պոկեց 85 կգ, հրեց 117 կգ և երկամարտի 202 կգ արդյունքով գրավեց երկրորդ տեղն ու  կանգնեց պատվանդանի  << արծաթե >>  աստիճանին:Ի դեպ, Քրիստինե Պետրոսյանի գյումրեցի սանը ճանաչվել է 2024թ.  Եվրոպայի լավագույն երիտասարդ ծանրորդուհի:

Մեր երկրորդ պատվիրակ, երևանցի Իզաբելլա Յայլյանը /մարզիչ ՝ Հրանտ Տոնոյան/  երկամարտի 193 կգ / 90 կգ + 103 կգ / արդյունքով, գրավեց   պատվավոր վեցերորդ տեղը:

Վաղը՝  ապրիլի 16 –ին ծանրահարթակ կելնի  վեդեցի Գոռ Սահակյանը / 73 կգ /: