Հայաստանի  լողափնյա վոլեյբոլի տղաների և աղջիկների երիտասարդական հավաքականները մարզիչներ Գրիգորի Ամբարյանի և Հայկ Բաղրամյանի ղեկավարությամբ  Լիտվայում և Լատվիայում  մասնակցեցին Եվրոպայի արևելյան գոտու ընտրական մրցումներին:

Մեր  աղջիկների և տղաների երկյակները / Ելիզավետա Տոնոյան, Ամալյա Կարապետյան և Ալեն  Ակեքսանյան, Ֆիրդուսի Կեսոյան / երեքական խաղ անցկացրին  Վիլնյուսում և Ռիգայում: Երկու դեպքում էլ  մերոնք պարտվեցին  մերձբալթյան երկրների , Լեհաստանի և Ուկրաինայի ներկայացուցիչներին:  Այս մասին հեռակապով հայտնեց  տղաների թիմի մարզիչ Գրիգորի Ամբարյանը: Նա հավելեց, որ ընկերական խաղեր  անցկացրին Վրաստանի հավաքականների հետ և հաղթեցին:

Մարզիչը նաև նշեց, որ մրցումները նախապատրաստական բնույթ են կրել: Բանն այն է, որ  օգոստոսին Իտալիայում , իսկ սեպտեմբերին ՝ Իսպանիայում  կանցկացվի մինչև 18 տարեկան տղաների և աղջիկների   Եվրոպայի առաջնությունը: