
Ալբանիայում իր ենթախմբային ելույթները ավարտեց նաև Հայաստանի մինչև 18 տարեկան տղաների բասկետբոլի հավաքականը:
Եվրոպայի առաջնության C դիվիզիոնի A ենթախմբի չորրորդ խաղում մեր թիմը վստահորեն ՝ 81:48 հաշվով պարտության մատնեց Ջիբրալթարի հավաքականին և նույնպես մտավ կիսաեզրափակիչ:
Հանդիպման ամենաարդյունավետ խաղացողը Դանիել Սանամյանն էր: Նա դարձավ դաբլ-դաբլի հեղինակ, վաստակեց 12 միավոր, կատարեց 10 ռեբաունդ և չորս արդյունավետ փոխանցում։
Մեր բասկետբոլիստները կիսաեզրափակչում ուժերը կչափեն Լյուքսեմբուրգի մարզիկների հետ:
Հանդիպումը տեղի կունենա վաղը ՝ հուլիսի 26-ին: