Սկալո Ռոմանա օլիմպիական գյուղը պատրաստ է ընդունել <<Միլանո Կորտինա  - 2026>>  ձմեռային մարզահանդեսի մասնակիցներին:

900 օր տևած շինարարությունը ավարտվել է նախատեսվածից մեկ ամիս շուտ:

Կառուցապատողները  ծրագրում են   գյուղը ուսանողական բնակարանի վերածել: Այն իրականություն կդառնա խաղերի ավարտից հետո:

Նախատեսվում է  կացարաններում  ավելացնել  ևս 300 մահճակալ, որի արդյունքում ընդհանուր թիվը կհասնի 1700-ի։

Սենյակները կկահավորվեն ուսանողական հանրակացարանի վերջնական հատակագծին համապատասխան: Բացի այդ, ավանի շենքերին կից կստեղծվեն  ևս 10,000 քառակուսի մետր մակերեսով   կառույցներ՝  տարբեր  ծառայությունների համար:  

Այդ  ծառայությունները (մարզասրահ,  սննդի մատակարարում,  բուժկենտրոններ և այլն ) խաղերից հետո կօգտագործեն  համայնքները:  

Գյուղը նաև կունենա  հեծանվային ուղիներ՝  կայանատեղիով և էլեկտրական մեքենաների լիցքավորման կայաններ։

Ավանը  կդառնա Իտալիայի ամենամեծ ուսանողական բնակավայրը:

Այսպիսով,  կստեղծվեն  երկարաժամկետ ենթակառուցվածքներ, որոնք  առաջիկա տարիներին օգտակար կլինեն Լոնբարդիայի տարածաշրջանի համար:

2026թ. ձմեռային օլիմպիական խաղերի մեկնարկին մնում է 220 օր: