Տեսախաղերի Sega ճապոնական ընկերությունը և միջազգային օլիմպիական կոմիտեն (ՄՕԿ) հայտարարել են երկարամյա համաձայնագրի մասին:

Գործընկերության կենտրոնական տարրը կլինի Sonic the Hedgehog ֆրանշիզան՝ Sega-ի ստորագրության կերպարներից մեկը:

Համագործակցության առաջին արդյունքը «Հինգ օղակներ» նախագիծն է, որը համատեղում է օլիմպիական խորհրդանիշը Sonic –ի կերպարի հետ: Այն խորհրդանշում է կողմերի արժեքների՝ բարեկամության, գերազանցության և փոխադարձ հարգանքի միասնությունը:

Գործընկերները նախատեսում են ընդլայնել համագործակցությունը՝ ներկայացնելով լիցենզավորված ապրանքների և հավաքածուների շարք:

ՄՕԿ-ը բանակցություններ է վարում ապրանքների թողարկման շուրջ համագործակցելու համար:

Sega-ի նախագահ Շուջի Ուցումին ասել է, որ ՄՕԿ –ի գործընկերությունը թույլ է տալիս միավորել մրցակցության և ստեղծագործության ոգին, որը ոգեշնչում է աշխարհի տարբեր խաղացողների և մարզիկների սերունդներ:

«Հինգ օղակներ» նախաձեռնության լիարժեք մեկնարկը նախատեսված է 2026թ., երբ Միլանում և Կորտինա դ'Ամպեցցոյում տեղի կունենան ձմեռային օլիմպիական 25 –րդ խաղերը:

Sega-ն այժմ ուսումնասիրում է օլիմպիական շարժմանը վերաբերող թեմատիկ խաղերի և թվային նախագծերի թողարկման հնարավորությունը։