ՀՀ հրաձգության ֆեդերացիան  հայտնում է, որ  Երևանում անցկացված Եվրոպայի առաջնության մեդալային հաշվարկում մեր հավաքականը 4-րդն է։ Հիշեցնենք, որ տանտերերը նվաճել են  13 մեդալ՝ չորս  ոսկե, ութ արծաթե և մեկ բրոնզե։

Արժե, որ մեկ անգամ ևս ներկայացնենք մեր մրցանակակիրներին.

Շարժվող թիրախ մրցաձևի մեծահասակների պայքարում Եվրոպայի չեմպիոն է հռչակվել Լիլիթ Մկրտչյանը։

Թիմային մրցաձևի տղամարդկանց պայքարում Հովհաննես Մարգարյանը, Գոռ Խաչատրյանը և Հայկ Մինասյանը նույնպես արժանացել են ոսկե մեդալի։

Արծաթե մեդալներ են իրենց հաշվին գրանցել Էլմիրա Կարապետյանը՝  ատրճանակ սոլո մրցաձևում,Գոհար Հարությունյանը՝ անհատական պայքարում (երկու արծաթե մեդալ), ինչպես նաև Լիլիթ Մկրտչյանն ու Հայկ Մինասյանը՝ միքսում։ Բացի այդ, Լիլիթ Մկրտչյանը, Գոհար Հարությունյանը և Արյուսակ Գրիգորյանը թիմային պայքարում նվաճել են կրկնակի արծաթե պարգև:

Օդամղիչ ատրճանակի տղամարդկանց եռյակ (տրիո) մրցաձևում Բենիկ Խլղաթյանը, Գևորգ Մելքոնյանը և Զավեն Իգիթյանը դարձել են բրոնզե մեդալակիրներ։

Երիտասարդների պայքարում Լիլիթ Մկրտչյանը ճանաչվել է Եվրոպայի առաջնության կրկնակի հաղթող՝ նվաճելով երկու ոսկե դափնի։ Արծաթե մեդալների են արժանացել  Անահիտ Սարգսյանը և Յանա Հակոբյանը։