Խորվաթիայի Օսիեկ քաղաքում  ավարտվեց սպորտային մարմնամարզության  առանձին գործիքներից աշխարհի գավաթի խաղարկության վերջին փուլը:

Հայաստանի ներկայացուցիչ, 18 –ամյա  Համլետ Մանուկյանը  կրկին փայլեց նժուգթափերի եզրափակիչում: Նա վաստակեց  14.733 միավոր և արժանիորեն նվաճեց հաղթողի կոչումը։ Նույն մրցաձևում  Մամիկոն  Խաչատրյանը գրավեց  վեցերորդ տեղը։

Օղակների վրա  վարժությունում  Արթուր Ավետիսյանը վաստակեց 14.133 միավոր և կանգնեց պատվո  պատվանդանի երրորդ աստիճանին: Ուրախալի է, որ  նա ճանաչվեց   բացարձակ գավաթակիր՝  բոլոր փուլերի արդյունքների հանրագումարով։ Արթուրը 2026թ. նշած մրցաշարում նվաճել է  մեդալների ամբողջական հավաքածու՝ ոսկե, արծաթե և բրոնզե։

Հենացատկում  հավաքականի  առաջատար Արթուր Դավթյանը 14.583 միավորով զբաղեցրեց երկրորդ տեղը: