Արա Պողոսյան. Հաջորդ տարի կունենանք բասկետբոլի կանանց ազգային հավաքական

18:33 - 01 Հուլ, 2017

Հայաստանի բասկետբոլի ֆեդերացիան նախատեսում է հաջորդ տարի ստեղծել կանանց ազգային հավաքական: Այս մասին լրագրողների հետ զրույցում հայտնեց ֆեդերացիայի փոխնախագահ Արա Պողոսյանը.

«Մ 16 եւ Մ 18 տարեկան աղջիկների հավաքականների ծրագիրը նրա համար է, որ մենք ունենանք մարտունակ ազգային հավաքական: Նախատեսում ենք, որ կանանց ազգային թիմը կխաղա Եվրոպայի փոքր երկրների առաջնությունում, ինչպես տղամարդիկ:

Տարիքային թիմերից 4-5-ական աղջիկներ կհամալրեն ազգային հավաքականի կազմը: Մարզիչները կորոշեն, թե որ խաղացողները կլինեն: Կարծում եմ, նրանք բարձր մակարդակով հանդես կգան ազգային թիմում:

Կանանց հավաքականում կունենանք նաեւ Ամերիկայի ու Եվրոպայի հայ պրոֆեսիոնալ բասկետբոլիստներ»,- ասաց Արա Պողոսյանը:

Այլ նորություններ