Երիտասարդ ու պատանի ձյուդոյիստները մասնակցում են միջազգային ուսումնամարզական հավաքի

16:29 - 30 Հուն, 2018

Ձյուդոյի Հայաստանի երիտասարդական եւ պատականեկան հավաքականներն ավագ մարզիչ Հովհաննես Դավթյանի գլխավորությամբ Վրաստանում մասնակցում են միջազգային ուսումնամարզական հավաքի:

Մարզումների ընթացքում մրցավարական նոր կանոնների մասին սեմնար է անցկացրել օլիմպիական կարգի մրցավար Վլադիմիր Նուցուբիձեն: Հավաքին մասնակցում են նաեւ Ռուսաստանի, Ղազախստանի, Ադրբեջանի, Վրաստանի թիմերը:

ՀԱՕԿ լրատվականի հետ զրույցում Հայաստանի ձյուդոյի ֆեդերացիայի փոխնախագահ Թաթուլ Հովհաննիսյանը հայտնեց, որ ուսումնամարզական հավաքից հետո մեր ձյուդիոյստները կվերադառնան Հայաստան եւ կսկսեն պատրաստվել հանրապետության առաջնությանը:

Հայաստանի առաջնության արդյունքներով կձեւավորվեն երիտասարդական եւ պատանեկան հավաքականները, որոնք կմասնակցեն տարվա կարեւորագույն մրցաշարերին: Հովհաննիսյանի կարծիքով թիմերի կազմերը մեծ փոփոխությունների չեն ենթարկվի:

 

Լուսանկարը՝ Հայաստանի ձյուդոյի ֆեդերացիայի

Այլ նորություններ