Արմեն Գրիգորյան. Ֆեդերացիան ամեն ինչ անում է, որպեսզի մարզիկները լավագույնս ներկայացնեն Հայաստանը

16:59 - 16 Մայ, 2019

Հայաստանի սուսերամարտի ֆեդերացիայի նախագահ Արմեն Գրիգորյանը ՀԱՕԿ լրատվականի հետ զրույցում ամփոփեց սուսերամրատի Հայաստանի առաջնությունը:

«Հայաստանի առաջնությունից հետո կձեւավորվի Հայաստանի հավաքականը: Տարվա սկզբից աշխատանքներ են տարվում մայիսին Բուլղարիայում կայանալիք մինչեւ 23 տարեկանների Եվրոպայի առաջնությանը նախապատրաստվելու համար: Դրան կհաջորդեն հունիսին Գերմանիայում անցկացվելիք մեծահասակների Եվրոպայի առաջնությունը եւ աշխարհի առաջնությունը սեպտեմբերին: Մեր լավագույն մարզիկներ Էմմա Պողոսովան եւ Մայքլ Հովհաննիսյանը կմասնակցեն հավաքների: Էմման կմարզվի Ռումինիայի հավաքականի հետ, իսկ Մայքլը՝ Ռուսաստանի, որպեսզի նախապատրաստվեն առաջիկա Եվրոպայի առաջնությանը: Ֆեդերացիան ամեն ինչ անում է, որպեսզի մարզիկները լավագույնս ներկայացնեն Հայաստանը»,- նշեց Արմեն Գրիգորյանը:

Այլ նորություններ