Ճապոնիայի մայրաքաղաք Տոկիոյում փորձարկվել է  օլիմպիական ջահի փոխանցավազքի արարողությունը: Դրան ականատես են եղել  բազմաթիվ մարդիկ:

Արարողակարգի ղեկավար  Ակի Տագուչին ասել է, որ  փոխանցավազքի գլխավոր նպատակը մարդկանց միավորելն է, համերաշխությունը և արդար պայքարը:

Միջոցառման շնորհիվ ճշտվել են ջահի երթուղուն առչնչվող բոլոր մանրամասները և այն լիովին ծառայել է նպատակին, գոհացրել կազմակերպիչներին:

Փոխանցավազքը նախատեսված է անցկացնել երեք փուլով:Օլիմպիական կրակը կբոցավառվի մարտի 12 – ին `  Հին Օլիմպիայում: Արարողակարգով առաջին մասը տեղի կունենա Հունաստանում ՝  մինչև մարտի 19-ը:  Ջահը բոցավառելու  պատիվը տրված է  2004 թվականի Աթենքի օլիմպիական խաղերի  մարաթոնյան վազքի չեմպիոն  Միձուկի Նոգուտիին:

Խաղերի խորհրդանիշն  այնուհետև  հատուկ չվերթով  կհասնի Ծագող արևի երկիր և մարտի 26-ից  Ճապոնիայով << կսավառնի >>  121 օր ու  կանցնի  Ճապոնիայի  47 մարզերի 858  բնակավայրերի տարածքով:

32 –րդ ամառային օլիմպիական խաղերը Տոկիոյում կանցկացվեն 2020 թվականի հուլիսի 24-ից ` օգոստոսի 9-ը: