Տեսակապի միջոցով է տեղի ունեցել միջազգային օլիմպիական կոմիտեի /ՄՕԿ / գործկոմի  նիստը։

Քննարկման հիմնական թեմաներն են  եղել  Տոկիոյի ամառային օլիմպիական խաղերի կազմակերպման  և կորոնավիրուսի հետևանքով առաջացած  հարցերը։

Նախատեսվում է մինչև սեպտեմբեր ավարտել  խաղերի  նախապատրաստական ծրագիրը, որի տարբերակն այնուհետև   կներկայացվի  մարզաձևերի միջազգային ֆեդերացիաներին:

Ենթադրվում է, որ ամառային մարզահանդեսի տեղափոխումը կարժենա մի քանի միլիարդ դոլար։ Այդ պատճառով ծախսերը ավելի քան 200 կետով կրճատելու հնարավորությունը կքննարկվի խաղերի կազմկոմիտեի հետ: 

Անդրադարձ է եղել բասկետբոլի միջազգային ֆեդերացիայի/ FIBA /  և բասկետբոլի ազգային ասոցիացիայի  /NBA / օրացույցերի հետ կապված խնդիրներին: Հաշվի առնելով NBA- ում հաջորդ մրցաշրջանի հավանական հետաձգումներին, հնարավոր  է, որ կանոնավոր մրցաշրջանի կամ փլեյ-օֆֆի հանդիպումները համընկնեն օլիմպիական խաղերի ժամկետների հետ, ինչի պատճառով շատ  խաղացողներ, նույնիսկ թիմեր,  կարող է չմասնակցեն օլիմպիական մրցաշարին։ Վստահություն է հայտնվել  , որ FIBA- ն և NBA- ն կկարողանան փոխզիջման գալ այս հարցում: 

Զեկույցներ են ներկայացրել  << Պեկին -  2022 >>՝  ձմեռային և  << Փարիզ -2024 >>՝ ամառային օլիմպիական խաղերի կազմկոմիտեների ներկայացուցիչները։

Կկրճատվի  2024 թ․ ամառային օլիմպիական խաղերի մասնակցող   մարզիկների  քանակը։ Եթե Տոկիոյի խաղերում կներգրավվեն  11 հազար,ապա Փարիզում ՝ 10,500 մասնակիցներ:Փարիզի խաղերի վերջնական ռազմավարությունը կհաստատվի  2020 թ․ դեկտեմբերին։

Գնահատական է տրվել  ծանրամարտի միջազգային ֆեդերացիայի  / IWF / նախկին ղեկավարության կոռուպցիոն գործունեությանը։ Չի բացառվում դիմել ավելի  կոշտ՝  օլիմպիական ծրագրից ծանրամարտը  հանելու պայմանին։ Նշվել է, որ  մարզաձևում բարեփոխումների իրականացման գործընթացում ՄՕԿ –ը  կշարունակի աջակցել IWF- ի նոր ղեկավարությանը։

Գործկոմը  նաև քննարկել է   ՄՕԿ-ի   հինգ  նոր թեկնածուների անդամակցության հարցը։

Հեռավար   նիստը  տևել է ավելի քան   երեք ժամ ։