Միջազգային օլիմպիական օրվա առթիվ  ՄՕԿ –ի  նախագահ  Թոմաս Բախը բոլոր երկրների  ԱՕԿ -ներին շնորհավորական ուղերձ է  հղել , որտեղ ասված է հետևյալը․ << Հարգելի  բարեկամներ, այսօր  հայտնվել ենք մի իրավիճակում, երբ աշխարհում տարածված կորոնավիրուսը  թույլ չի տալիս հստակ ներկայացնել  ապագան: 

Այս դժվարին ժամանակներում, ավելի քան երբևէ, մենք պետք է հավատարիմ մնանք սպորտային արժեքներին, մասնավորապես օլիմպիական արժեքներին ՝  բարեկամություն, հարգանք և համերաշխություն: 

Այս տարվա օլիմպիական օրվա տոնակատարությունը  տարբերվում է  նախորդներից: Բայց, միևնույն ժամանակ, սպորտի ուժի մասին մեր հույսի և լավատեսության ուղերձը,  այսօր  ավելի արդիական է, քան երբևէ։ Առաջարկում եմ միավորվել և օգտագործել սպորտի  ուժը, շարունակել նախապատրաստվել Տոկիոյի  օլիմպիական խաղերին՝ ոգեկոչելով մարդկային ոգու համերաշխությունն ու ամրությունը: 

Օլիմպիական կրակը կարող է մեզ համար դառնալ թունելի վերջում երևացող լույսը, որտեղ գտնվում է մարզաշխարհը: 

Այս ուղերձով  հորդորում ենք  բոլորին լինել ուժեղ, ակտիվ և առողջ: 

Մաղթում եմ, որ օլիմպիզմի ոգով  անցկացնեք    2020թ․ օլիմպիական օրը >>։