ՄԱՐԶՎՈՒՄ ԵՆ, ՆԱԽԱՊԱՏՐԱՍՏՎՈՒՄ

11:42 - 29 Հուն, 2020

Հայաստանի առաջատար բռնցքամարտիկների պարապմունքները չեն դադարում։ Հավաքականի գլխավոր մարզիչ, ԽՍՀՄ վաստակավոր մարզիչ Ռաֆայել Մեհրաբյանն ասաց, որ  հայկական ազգային ֆեդերացիայի նախագահ Հովհաննես Հովսեփյանը ընդառաջ է գնում մարզչական խորհրդի ծրագրերին, նպատակով, որ բռնցքամարտիկները մշտապես որոշակի մարզավիճակում լինեն։

Մրցումային ծրագիրը դեռևս անորոշ է, բայց անհրաժեշտության պարագայում տղաները  կարող են հասնել լավագույն մարզավիճակի և մարտական տրամադրությամբ մեկնել մրցումների։

Աշխատանքն ընթանում է  ընդհանուր և անհատական ծրագրով։ Յուրաքանչյուրն ունի անձնական նախասիրություն։ Այդ հանգամանքը նկատի ունենալով, մասնագետները ուշադրություն են հատկացնում նաև հատուկ ֆիզպատրաստականության որակների բարելավմանը։ Ցանկացած վարպետ պետք է տիրապետի մարզաձևին բնորոշ հատկանիշների բազմազանությանը։ Հավաքականի բոլոր անդամները անտրտունջ կատարում են մարզիչների հրահանգները և ջանք չեն խնայում կայուն մարզավիճակ  պահպանելու համար։

 

Նկարներում ․ -  դրվագներ` ֆեդերացիայի տրամադրած հավաքականի ծաղկաձորյան մարզումներից

 

Այլ նորություններ