Տեղի է ունեցել  ամառային օլիմպիական  մարզաձևերի միջազգային  ֆեդերացիաների ասոցիացիայի  / ASOIF / առցանց  գլխավոր ասամբլեան: Օրակարգի հիմնական հարցը կազմակերպության նախագահի ընտրությունն է եղել։ Երրորդ անգամ քառամյա ժամկետով վերընտրվել է իտալացի Ֆրանչեսկո Ռիչչի Բիտտին։ 78-ամյա այդ գործիչը,  ով ASOIF- ի նախագահն է 2012 թվականից, այդ պաշտոնի միակ թեկնածուն էր։ Նա  մտադիր է ղեկավարել ասոցիացիան մինչև 2024թ․  Փարիզի խաղերը: 

Ֆրանչեսկո Ռիչչի Բիտտին ասել է , որ ASOIF- ը հուսալի օրգան է և նշանակալի դեր է խաղում օլիմպիական շարժման գործում: Ասոցիացիան անհրաժեշտ օգնություն է ցուցաբերում միջազգային մարզական  ֆեդերացիաներին։

Գլխավոր ասամբլեան նաև  հաստատել է  2021թ․  բյուջեն, որը կազմելիս հաշվի են  առել Տոկիոյի օլիմպիական խաղերը: 

Շահույթ չհետապնդող  այդ կազմակերպությունը տեղակայված է Լոզանում / Շվեյցարիա / ՝ ՄՕԿ –ի հարևանությամբ։