Կիբերսպորտի / տեսախաղերի մրցումներ, որի խաղային գումարը կազմում է 272 միլիարդ դոլար /  խաղեր անցկացնելու նախաձեռնությունը մեծ ոգևորություն էր առաջացրել օլիմպիական շարժման շահագրգիռ կողմերի և կիբերսպորտի համայնքի շրջանում: Նրանք բոլորը անհամբեր սպասում էին առաջին  ստուգատեսին:

Անցյալ տարի միջազգային օլիմպիական կոմիտեն (ՄՕԿ) և Սաուդյան Արաբիայի ԱՕԿ –ը  մանրամասն քննարկել էին  միջոցառման  հայեցակարգը և  հայտարարել էին իրենց  գործընկերության մասին:

Վերջերս կողմերը և կիբերսպորտի աշխարհի գավաթի խաղարկության հիմնադրամը կրկին բանակցել են  ու վերանայել նախաձեռնությունը։ Նրանք փոխադարձաբար համաձայնել են,  որ դադարեցնում են համագործակցությունը այդ հարցի վերաբերյալ: Միևնույն ժամանակ, կողմերը կշարունակեն իրենց  նկրտումները՝ առանձին ուղիներով։

ՄՕԿ-ը, իր հերթին, կմշակի օլիմպիական կիբերսպորտի խաղերի նոր մոտեցում և կորոնի գործընկերության նոր մոդել։ Դա հնարավորություն կտա ավելի համապատասխանեցնել կիբերսպորտի խաղերը օլիմպիական շարժման երկարաժամկետ նպատակներին, տարածել  հնարավորությունները՝ նպատակ ունենալով առաջին խաղերը հնարավորինս շուտ անցկացնել։

Օլիմպիական շարժման շահագրգիռ կողմերի և կիբերսպորտի համայնքից ստացված արձագանքները ցույց են տալիս, որ նախաձեռնության նկատմամբ կա մեծ հետաքրքրություն, ցանկություն և զգալի աջակցություն։ Ի դեպ, ՄՕԿ-ը  կիբերսպորտի օլիմպիական խաղերի ստեղծման մասին հայտնել էր  2024թ.  հուլիսի 23-ին,  Շվեյցարիայի Լոզան քաղաքում կայացած  142-րդ նստաշրջանում: