Շվեդ ձողացատկորդ Արման Դուպլանտիսը և վենեսուելացի եռացատկորդուհի  Յուլիմար Ռոխասը աթլետիկայի 2020թ․  աշխարհի լավագույն մարզիկներ են ճանաչվել: Մրցանակների հանձնման արարողությունը տեղի է ունեցել առցանց: 

Փետրվարին, Գլազգոյի միջազգային մրցաշարում Դուպլանտիսը սահմանել է  աշխարհի ռեկորդ / 6,18 մ․ /։ Նա   մեկ շաբաթում  երկու անգամ բարելավել է  իր նվաճումը: Սեպտեմբերին մեկ սանտիմետրով գերազանցել է  Սերգեյ Բուբկայի   1994թ․  սահմանած համաշխարհային բարձրագույն նվաճումը, որը հավասար էր  6,15 մետրի ։ 

Եռացակորդուհի Յուլիմար Ռոխասը գերազանցել է  աշխարհի ռեկորդը   / 15,43 մ․ /  և  մրցաշրջանում  ուժեղագույնն է եղել   միջազգային չորս մրցաշարերում։

Լավագույն մարզչի  մրցանակը ստացել են Արմանդ Դուպլանտիսի ծնողները՝ Հելենա և Գրեգ Դուպլանտիսները։

Լեհաստանի աթլետիկայի ֆեդերացիան ճանաչվել է տարվա լավագույն կազմակերպություն: 

Այս տարի  սահմանվել է նոր՝  Covid Inspiration Award ՝ կորոնավիրուսի համաճարակի դեմ պայքարի մրցանակ։ Քվեարկությանը մասնակցել են մարզասերները։ Պարգևը  շնորհվել է Ultimate Garden Clash առցանց մրցաշարին, որի  հեղինակը  ֆրանսիացի ձողացատկորդ,  օլիմպիական չեմպիոն Ռենո Լավիլենն է: 

Աթլետիկայի համաշխարհային մրցանակները շնորհվում են 1988 թվականից։