Սերբիայի մայրաքաղաք Բելգրադում ավարտին է մոտենում  ազատ ըմբշամարտի  աշխարհի գավաթի անհատական խաղարկությունը։

Հաջող մրցելույթներով եզրափակիչ մտած երևանցի  21 –ամյա Արսեն Հարությունյանը / 57 կգ / վճռական գոտեմարտում պարտվեց ռուսաստանցի Զավուր   Ուգուևին և բավարարվեց արծաթե մեդալով։

Բրոնզե մեդալի արժանացավ Արման Անդրեասյանը / 70 կգ /։

Եզրափակիչ է հասել  է նաև  Եվրոպայի մինչև 23 տարեկանների չեմպիոն  Վազգեն Թևանյանը / 65 կգ / ։ Հաղթողի կոչման  համար այսօր նա կմրցի հունգարացի Իսմայիլ Մուսուկաևի հետ։

Մեր ըմբիշը   հաղթեց հաջորդաբար մոլդովացի Նիկոլայ Գրահմեզին / 6 ։ 0 /, Բահրեյնցի  Հաջի Մուհամեդ Ալիին / 11 ։ 0 /, ռումինացի Նիկոյալ Օխլոպկովին / 10 ։ 0 /  և ուկրաինահայ  Գոռ Հովհաննիսյանին / 7:2 /:

Այսօր սփոփիչ գոտեմարտում  բրոնզե մեդալի համար կպայքարի  Ռազմիկ Պապիկյանը / 61 կգ /։