ՆՈՐ ՏԱՐԻ, ՆՈՐ ՈՐՈՇՈՒՄ

11:40 - 11 Հուն, 2021

Համաշխարհային հակադոպինգային գործակալությունը / WADA / փորձարկման և հետաքննության նոր միջազգային չափանիշ է սահմանել , որն ուժի մեջ է մտել հունվարի 1-ից։ Այն  արգելում է մարզիկներին ալկոհոլ օգտագործել դոպինգ ստուգման համակարգում:

Աշխարհի շատ երկրներում մինչև  2021թ․  հունվարի 1-ը դոպինգ-թեստավորման ընթացքում մարզիկներին արգելված չէր ալկոհոլ օգտագործել: Գարեջուրը և որոշ թույլ ալկոհոլային ըմպելիքներ ունեն միզամուղ հատկություններ։ Դրանք օգտագործում են այն մարզիկները, որոնց օրգանիզմը գործնականում ջրազրկվում  է  մրցումների ավարտից հետո։ Նրանք նմուշների հանձնումը  արագացնելու համար են ընդունում նշած ըմպելիքները: 

Մասնագետները կարծում են ,որ փորձարկվող  անձի  մեզի մեջ է թույլ ալկոհոլային խմիչքների առկայությունը կարող է աղավաղել դոպինգ թեստի վերլուծության արդյունքները: Բացի այդ, վերահսկման կետերում,  ալկոհոլի կիրառումը երբեմն հանգեցնում է մարզիկների ոչ այնքան պարկեշտ վարքին։ Դա կարող է արտահայտվել դոպինգ-հսկողության տեսուչներին ուղղված սպառնալիքներով: Մասնագետներն ընդգծում են , որ ալկոհոլը վնասակար է մարզիկների առողջության համար:

Այլ նորություններ