ՀԻՆԳ ՄՐՑԱՆԱԿԱԿԻՐ

15:00 - 06 Մայ, 2021

Դաղստանում պետական – հասարակական  նշանավոր գործիչ է եղել  Սուրակատ Ասիյատիլովը: Նրա հիշատակը հավերժացնելու նպատակով  Կասպիյսկ քաղաքում անցկացվում է հունահռոմեական ըմբշամարտի միջազգային  ավանդական երիտասարդական մրցաշար:

Երեկ ավարտվեց հերթական ստուգատեսը: Մրցագորգ ելած 11  երկրների պատվիրակների  թվում էին նաև Հայաստանի ներկայացուցիչները:

Հավաքականի ավագ մարզիչ, վաստակավոր մարզիչ Արմեն Բաբալարյանի  հինգ սաներ կանգնեցին պատվո պատվանդանին:

Առավել հաջող հանդես եկավ  Սամվել Գրիգորյանը / 77 կգ /: Նա իր հաշվին միայն հաղթանակներ գրանցեց և գրավեց առաջին տեղը:

Իր քաշային կարգում երկրորդը ճանաչվեց  Գառնիկ Հովհաննիսյանը / 55 կգ /:

Երրորդ տեղով բավարարվեցին  Շանթ Խաչատրյանը / 67 կգ / , Կարեն Խաչատրյանը / 82 կգ /  և Վիգեն Նազարյանը / 87 կգ /:

 

 

Այլ նորություններ