Ավարտին է մոտենում շախմատիստների ծաղկաձորյան ուսումնամարզական հավաքը: Մասնակիցները նախապատրաստվում են աշխարհի գավաթի խաղարկության եվրոպական գոտու  տղամարդկանց հեռավար միցաշարին : Իրենց ունակությունները կդրսևորեն հին աշխարհամասի շուրջ 30 երկրների ավելի քան 270 շախմատիստներ:

Այն կմեկնարկի մայիսի 24 –ին:  

Երևանի  Տիգրան Պետրոսյանի անվան շախմատիստի տան խաղասեղանների շուրջ  կնստեն Հայաստանի  հավաքականի ինը  ներկայացուցիչներ:

Հեռավար նման  ստուգատեսը  առաջին անգամ  կանցկացվի մրցավարների ներկայությամբ: Երևանից ընթացքին կհետևի միջազգային բարձրագույն կարգի մրցավար,Աշոտ Վարդապետյանի ղեկավարած հանձնախումբը;

Եվրոպական գոտուց վճռական փուլին կմասնակցեն 36 հաջողակները:

Պատվավոր գավաթի համար պայքարը կանցկացվի հուլիս – օգոստոս ամիսներին ՝ Սոչիում, առկա /  դասական /  տարբերակով: