Լոս Անջելեսում  2028թ. կայանալիք  34 –րդ օլիմպիական ամառային խաղերի կազմկոմիտեն / LA28 /  նախատեսում է 2,5 միլիարդ դոլար ներգրավել հովանավորչական միջոցներից: Այս  մասին  զեկույց  – հաշվետվությունում ՄՕԿ-ի համակարգող հանձնաժողովին է ներկայացրել  ամերիկյան կողմը:  

LA28 ապրանքանիշի մշակման  ու թողարկման շնորհիվ   այս տարի զգալիորեն ընդլայնվել է գալիք օլիմպիական խաղերի գործընկերների և հովանավորների ցանկը։ 

Վերջին 12 ամիսների ընթացքում ամերիկյան խոշոր Comcast, Deloitte և Salesforce ընկերությունները պայմանագրեր են կնքել կազմկոմիտեի հետ։ 

Կազմկոմիտեի   նորընտիր գործադիր տնօրեն  Քեթի Քարթերը զբաղվում է հովանավորներ ներգրավելու գործով։

Մեկնարկել է նաև PlayLA երիտասարդական սպորտային ծրագիրը, որտեղ ՄՕԿ-կներդնի 160 մլն դոլար:

Նշենք, որ Լոս Անջելեսը արդեն հյուրընկալել է  1932 և 1984թթ. ամառային մարզահանդեսները: