Ծանրամարտի աշխարհի առաջնության ավարտից Տաշքենդում անցկացվում է  մարզաձևի  միջազգային ֆեդերացիայի   (IWF) համագումարը:

Ամփոփվել են կազմակերպության կատարած աշխատանքները, քննարկվել  են նոր ծրագրերը։ 

Կոնգրեսի շրջանակներում IWF-ի ղեկավարի պաշտոնակատար Մայքլ Իրանին և գլխավոր քարտուղար Մոհամմադ Շախրիլլոն դրական  են գնահատել Տաշքենդյան ստուգատեսի կազմակերպումը և կարծիք են հայտնել  մարզաձևի հեռանկարների մասին։ 

Միջազգային ֆեդերացիան (IWF) կրճատել է 2024թ.  Փարիզում  անցկացվելիք  օլիմպիական խաղերի քաշային կարգերի քանակը:

Տղամարդկանց պայքարում հաղթողներն ու մրցանակակիրները կորոշվեն հինգ քաշային կարգերում՝ մինչև 61 կգ, մինչև 73 կգ, մինչև 89 կգ, մինչև 102 կգ և 102 կգ-ից բարձր: 

Կանայք նույնպես  հանդես կգան  հինգ կարգերում.  մինչև 49 կգ, մինչև 59 կգ, մինչև 71 կգ, մինչև 81 կգ, 81 կգ-ից բարձր: 

Տոկիոյի խաղերում գործում էր  յոթական քաշային կարգ: 

IWF-ի ղեկավարության ընտրությունները  ՄՕԿ-ի ուշադրության կենտրոնում են և  տեղի կունենան 2022թ  հունիսի 25-26-ը։