Նորագավիթի սուսերամարտի մարզադպրոցի մարտուղյակներում  իրենց հարաբերությունները որոշեցին Հայաստանի  երիտասարդական առաջնության  105 մասնակիցներ: Հաղթողի պատվին արժանացան ՝  խոցասուսերակիրներ Գրիգոր Մնացականյանը,Անահիտ Նավասարդյանը, ճկասուսերակիրներ Գրիգոր Պապոյանը, Աիդա Ալոյանը և թրասուսերակիր Արմեն Ղալաչյանը:

Գլխավոր մրցավար  Արտաշես Մադոյանը ասաց, որ մրցողները ներկայացնում էին  Երևան, Գյումրի և Վանաձոր քաղաքները:  Սուսերակիրների ընդհանուր պատրաստականությունը  դժգոհելու տեղիք չտվեց: Ավելին,  ի հայտ եկան շնորհալի նոր մարզիկներ: Մասնավորապես ուրախացրին գյումրեցի 4 – 5  բնածին օժտվածությամբ ճկասուսերակիր  աղջիկներ և տղաներ:   Երկրի երկրորդ քաղաքում  նաև լավն այն է, որ գործում են  բոլոր երեք զենքաձևերի խմբեր: Այդ առումով  չի գոհացնում  Վանաձորը, որտեղ կան   միայն թրասուսեր մրցաձևի խմբեր:

Առաջնության արդյունքներով կազմվեց հավաքական, որը կնախապատրաստվի  Դուբայում ապրիլի 5 –ին մեկնարկող աշխարհի պատանեկան և երիտասարդական առաջնություններին: