Հարգելի մարզիկներ, մարզիչներ, մարզաշխարհի մարդիկ:

<< Մրցաշրջան – 2021 >> - ը  մոտենում է ավարտին: Անցնող տարին օլիմպիական էր և այն լի էր փորձություններով: Հայաստանի մարզիկները մասնակցեցին վարկանիշային միջազգային մրցաշարերի: Նրանց մրցելույթները դրական պետք է գնահատել: Տոկիոյի խաղերին մասնակցելու իրավունք նվաճեցին ինը մարզաձևերի 17 մարզիկ- մարզուհիներ: Նրանք խաղերից  վերադարձան երկուական արծաթե և բրոնզե մեդալով:

Մեր  պատվիրակներից ավելին էինք սպասում, քանզի  առաջատար վարպետները ունակ էին բարձրանալ չեմպիոնական պատվանդան:

Նոր մրցաշրջանում առավելապես կարևորվում են Եվրոպայի և աշխարհի առաջնությունները: Դրանք բնույթով ընտրական կլինեն, քանզի աչքի ընկած մարզիկները կմասնակցեն  օլիմպիական վարկանիշային մրցաշարերին: Հաջողակները հանդես կգան Փարիզում 2024թ. կայանալիք 33 –րդ ամառային օլիմպիական խաղերին:

Հավատանք, որ Հայաստանի պատվիրակները միջազգային մրցասպարեզներում նվաճումներով կապացուցեն իրենց վարպետության բարձր կարգը:

Շնորհավորում ենք հայոց մարզաշխարհի մարդկանց,  համայն հայության Ամանորն ու Սուրբ ծնունդը:

Թող 2022 թվականը ավետի խաղաղ, անկորուստ և միաբան կյանքի սկիզբը:

                            ՀԱՅԱՍՏԱՆԻ   ԱԶԳԱՅԻՆ  ՕԼԻՄՊԻԱԿԱՆ ԿՈՄԻՏԵ