Հայտնի է, որ ամառային հաջորդ ՝ 33 –րդ օլիմպիական խաղերը տեղի կունենա  2024թ. Փարիզում: Այնտեղ արդեն  գործում է  օլիմպիական  խաղերին նվիրված պաստառների ցուցահանդեսը: Դրանք կազմակերպիչներին է  տրամադրել մշակույթի և ժառանգության օլիմպիական հիմնադրամը  / OFCH /:

Ներկայացված են  1912- 2020թթ. / Ստոկհոլմից մինչև Տոկիո / անցկացված օլիմպիական խաղերի պաստառները, ինչպես նաև օլիմպիական և պարալիմպիկ խաղերի դրոշները։ Նմուշների մի մասն առաջին անգամ  է հասանելի դարձել այցելուներին:

Ցուցահանդեսը   ժամանակի գեղարվեստական ոճերի  ու հիմնախնդիրների հետահայաց արտացոլանք է: Այն հանդիսանում է Փարիզի համաշխարհային մարզահանդեսի մշակութային ծրագրի մաս, որտեղ խրախուսվում են օլիմպիական արժեքները: Դա պատմական ճանապարհորդություն է անցյալից մինչև ներկա: