ՇՆՈՐՀԱՎՈՐԱՆՔ
Հարգարժան Ռազմիկ Անուշավանի Ստեփանյան.
Ընդունեք Հայաստանի ազգային օլիմպիական կոմիտեի ջերմ շնորհավորանքները Ձեր ծննդյան 80 –րդ տարեդարձի առթիվ:
Հայոց մարզաշխարհի մարդիկ Ձեզ ճանաչում են որպես հրաշալի ընկերոջ, քաղաքացու և նշանավոր մարզական գործչի:
Որպես ըմբիշ, եղել եք Հայաստանի, ԽՍՀՄ և միջազգային բազմաթիվ մրցաշարերի հաղթող և մրցանակակիր: Գործուն սպորտին հրաժեշտ տալուց հետո համալրել եք դասական / հունահռոմեական / ըմբշամարտի մարզիչների շարքը:
Կազմակերպչական հմտությունների շնորհիվ տարբեր պաշտոններ եք վարել նախ ՝ Ձեր հարազատ << Սպարտակ >> ԿՄԸ հանրապետական խորհրդում, դարձել կազմակերպության նախագահ, ապա միավորված հանրապետական հինգ ԿՄԸ –ների՝ << Հայաստան >> մարզական միության փոխնախագահ և նախագահ:
Շուրջ երկու տասնամյակ զուգահեռաբար եղել եք ՀԱՕԿ –ի փոխնախագահ: Ձեր գործունեության ընթացքում նպաստել եք երկրում ֆիզկուլտուրայի և սպորտի մասսայականացման ու զարգացման գործին: Արժանացել եք տասնյակ պարգևների և կոչումների:
Հայաստանի ազգային օլիմպիական կոմիտեն շնորհավորում է Ձեզ՝ հոբելյանական տարեդարձի առթիվ, մաղթում առողջություն և երջանկություն:
