Բռնցքամարտիկ Գուրգեն Հովհաննիսյանը Պավլյուկովի մրցաշարի կիսաեզրափակչում է

10:10 - 14 Մար, 2016

Բռնցքամարտի Հայաստանի երիտասարդական հավաքականի անդամ Գուրգեն Հովհաննիսյանը Նիկոլայ Պավլյուկովի անվան երիտասարդների միջազգային հուշամրցաշարում դուրս է եկել կիսաեզրափակիչ:

Անապայում ընթացող Նիկոլայ Պավլյուկովի անվան երիտասարդների միջազգային հուշամրցաշարի քառորդ եզրափակիչում հայ բռնցքամարտիկներից միայն գերծանր քաշային Գուրգեն Հովհաննիսյանին հաջողվեց հաղթանակ տոնել: Հովհաննիսյանը հաղթեց Ռուսաստանի ներկայացուցչին:

 Մարտի 14-ին՝ կիսաեզրափակիչ փուլում, Հովհաննիսյանը մրցելու է վրացի մարզիկի հետ:

Հայաստանի մյուս ներկայացուցիչները՝ 52 կգ քաշային Մնացական Հարությունյանը, 56 կգ քաշային Վահե Բադալյանը, 69 կգ քաշային Գուրգեն Մադոյանն ու 75 կգ քաշային Վան Մելքումյանը պարտվել են:

 

ՀԱՕԿ լրատվության բաժին

Այլ նորություններ