ԱՅՍ ՀԵՏԱՁԳՄԱՆ ՊԱՏՃԱՌԸ ՀԱՄԱՎԱՐԱԿԸ ՉԷ
Եկող տարվա մայիսին Հնկաստանի Մումբայ քաղաքում նախատեսված ՄՕԿ –ի հերթական նիստում պետք է որոշվեր 2030թ. ձմեռային օլիմպիական խաղերի մայրաքաղաքը: Բայց միջոցառումը չորս ամսով հետաձգվել է և կանցկացվի սեպտեմբերին: Պատճառն այս անգամ ոչ թէ համավարակն է, այլ Հնդկաստանի ԱՕԿ –ում առկա ներքին անհամաձայնություններն են: Հարցի առթիվ ՄՕԿ –ը վերջին զգուշացումն է արել Հնդկաստանի ԱՕԿ –ին:
Ի դեպ, 2030թ. խաղերը հյուրընկալելու ցանկություն ունեն Կանադայի Վանկուվերն ու Ուիսլերը, Ճապոնիայի Սապորոն և ամերիկյան Սոլթ Լեյք Սիթին:
Ճապոնացիների մեծամասնությունը կողմ է ձմեռային մարզահանդեսն անցկացնել երկրի ծայրհյուսիսում գտնվող Հոկայդո կղզու գլխավոր քաղաք Սապորոյում: Այդ մասին անցկացվել է հարցում՝ հեռախոսով, պատահական համակարգչային ընտրանքի մեթոդով, որին մասնակցել է 1462 մարդ։
Օլիմպիական խաղերի անցկացմանը կողմ է արտահայտվել հարցվածների 55%-ը, դեմ՝ 38%-ը։
Նշենք, որ Սապորոն 1972թ. արդեն ընդունել է ձմեռային օլիմպիական խաղեր:
